اطبخ وماتخافش

 أعزائي المتابعين  بيعجبنا أوي الأرز السوري ومش بنعرف نعمله مفرفر وطعمه حلو زيهم  النهاردة هنعمله أحسن منهم وبالتفصيل الممل وكمان بالصور  نبدأ على بركة الله  أولاً الارز البسمتي ذهبي اللون طويل الحبة، مش شرط يبقى غالي النص كيلوا يكفي عائلة مكونة من 4 افراد 3 مرات.  نغسل الارز كويس ونسيبه منقوع لمدة 10إلى20 دقيقة "براحتك ومش مهم الوقت اوي" المهم يتغسل كويس.  بعد ما اتنقع نجيب الحلة ونحط فيها معلقتين زيت او سمنة او زبدة او أي مادة دهنيه بتستعملوها.  سر الارز هنا  لاااازم بعد ما نحط الارز نقلبه كويس ف الزيت لغاية ماينشف، ينشف بس ومايتحمرش ، تعرفوا انه نشف لما يبدأ يلزق في قعر الحلة  وهو ده سر انه مايطلعش معجن ويطلع الحباية بحبايتها.  وبعدين نحط الطعم بتاعنا "كاري+كمون+ملح" ملعقة صغيرة كما هو موضح بالصور.  ونديله تقليبة خفيفة ونغطي عليه.  لما يشرب الميه بتاعته نوطي النار عليه ونسيبه.  مانقلبهوش خاااالص علشان التقليب بيحرك النشا وبيخليه يعجن.  ومش بياخد وقت ع النار تقريباً ربع ساعة لما توطي عليه النار.   وبا...